ويوم ماابطل افكر هكون ميت اكيد

عارف..ساعات تستني من حد انك تصعب عليه..من غير ماتتكلم يمكن يلاحظ..الطبيعي انه ولا بيحس بيك..

بعد شوية تديله عذره وتقول انا مقولتلوش حاجة..تقوله..يمكن تصعب عليه..تفاجأ انه برده مش فاهم..ومش حاسس بيك..

تتخانق..تتجاهل..مفيش فايدة.تسكت شويه..ترجع تتكلم..مفيش فايدة..

لأن البشر بطبعهم منغلقين علي نفسهم ومتمحورين ذاتيا..لو عنده مشاكل الدنيا وعارف انك موجود ولا هيعبرك مطلقا..

اعتقد ان ده معناه غياب الرحمة ..احنا مابنرحمش بعض..الرحمة انك تصعب علي حد فيفرحك او يساعدك من غير مقابل..او عشان هو بيحبك..

وهي موجدة عند ربنا في معظم الاوقات.

 -------------------------------------------------------------

المهم صحيت النهاردة الجمعه متأخرة..قررت ابدأ ريجيم..بجد المرة ديه..انا متنخنتش قوي..بس فجأة قررت اني عاوزة ابقي ارفع من كده..واما بقي مش عاجبها طبعا..لأن "وشك هيخس وهتبقي عاملة زي الهيكل العظمي"

بس مش مهم..المهم اني اعجب نفسي وأكون راضية..

شربت نسكافية بمعلة سكر واحدة...طعمه حلو جدا..اتنين توست بجبنه قريش..واعطي لانزيم الجريلين انه يشتغل بقي شوية..بدل النهم اللي كنت فيه.

فكرت بقالي كتير معملتش حاجات لنفسي..حاجات نسيتها وحاجات طنشتها..واكتشفت اني مزعلة نفسي في حاجات كتير قوي..

بصالح الكل الا نفسي..برضي الكل الا نفسي..بخاف علي شعور الكل الا نفسي..

وده مينفعش..انا عارفة اني مهمة..بس نسيت..انا عارفة انا ربنا خلقني ازاي..بس طنشت..

والنتيجة اني بقالي فترة مقصرة مع نفسي ومستقبلي في حاجات كتير قوي.

تلك اللحظة

هذا وأن الوحدة لا تعرف للمستحيل طريق..فهي تجدك اينما كنت..

وفي لحظة ما تأت..تجد نفسك تتصفح الانترنت وتبحث عن صحبة ما..

مهما كنت اجتماعيا محاطا بأي أحد أو اي شخص..

تأت تلك اللحظة التي تبتلع فيها قرص المنوم وأنت تعلم انه لن يؤثر هذه المرة..وكأن قوانين امتصاص الدواء تكون تحت طوعك وبالفعل لا يؤثر قرص الدواء عالرغم من تركيزه العالي.

تأت تلك اللحظة التي تحاول أن تبكي ولكن لا تنزل ولا دمعة واحدة عالرغم من أنك تحاول جاهدا ولكن تابي الغدد الدمعية وتعلن العصيان..

فيقوم محلها ذلك الشعور الخانق في منتصف صدرك بالمهمة..وهي أكثر عنفا وايلاما..

حينما تمر تلك اللحظة التي تخيلت انها لن تات ابدا..

لكنها وياللغرابة تاتي بكل قوتها..وعنفها..وقسوتها..