الساعة 1ونص..روفيدة بتكلمني اخبار الاستقبال ايه..قولتلها معقول ولطيف..طب تعرفي تطلعي ..قولتها صعب قوي..قالتالي اصل احنا بننتخب اللي هيمثلنا في الجمعية التأسيسية لجامعة الزقازيق....قلت خلاص هرشح ماجد..قالتلي هترشحي نفسك؟؟؟
ممممم..فعدت افكر مش عاوزة..انا مش فاضية اصلا وعاوزة اركز..وفي سري برده بقول انا اصغر واحدة فيهم محدش هيرشحني اصلا!!!!!!!!!!!!!!!!!!!!!!
بعد شوية لقيت غادة بتكلمني بتقولي رشحب نفسك يا به انتي هبلة..قلت لها ماشي ياستي عشان بس مااكسفهاش لاني قدرت انهاكلمتني
..
وبرده لازلت مرهقة وتعبانة ودايخة ومصدعة وكل حاجة!
المهم اتنخبوا روفيدة وماجد..طبعا جميل اتمنيت قوي انهاردة اننا فعلا نتغير من ناحية بعض..كل يوم نتخانق مع بعض..الجدول والنبطشيات ومشااكل كتير..بس انهاردة اتكلمنا انا وماجد وروفيدة ومحمود وبجد حسيت ان كل دفعة فينا فاهمة التانية غلط بصورة كبيرة قوي..وكل واحد فاكر انه مستحمل التاني اللي هو علي طول بيضايقه
وقررنا نقعد كلنا مع بعض ونحط قواعد جدية صريحة لكل حاجة عشان كلنا زهقنا من الخناقات..
اللطيف كمان اني نبطشية قسم مع روفيدة..وده شيء جميل..
لكني برده لازلت مصدعة..نفسي اعرف سبب الصداع اللي انا فيه ده
امن الدولة بيحرقوا كل ملفات الفضايح ورئيس مباحث الزقازيق اتحبس!!!حسه اني في حلم!!
حسه ان الايام الجاية هيكون فيها مفاجأت تشيب الراس
0 comments:
Post a Comment