هذا حتي لا اجعل الحياة بمبي بمبي!!!

علي فكرة البوست ده من البوستات اللي بحاول ماكتبهاش لكن حسيت اني كده مش صادقة وان بوري وش واحد بس من الحقيقة.

مش كل الايام في الاستقبال وردية والاستقبال مش في منتهي الروعة.

النهاردة بداية اليوم كانت في منتهي الهدوء حالات قليلة جدا..كولد..

في حالات كانت كويسة حولتها الأحرار لأني كنت عاوزة اذاكر...

حالات تانية كانت عاوزة تتحجز برده حولتها الأحرار عشان مفيش اماكن في المستشفي..

حالة عناية طلعت...حالتين سموم حولتهم وحدة السموم..

ومن هنا بدات المشاكل...بتوع السموم اللي بيقي معظمهم قاعد في البيت اون كول..الحالات كانت مستقرة حولتها هناك..يروحوا التمريض مشربينهم شاركول والدكتورة تبعتهم لي تاني..لحد ماتيجي..

طبعا الناس جايين بيخانقوا دبان وشهم..واحد كان محترم وابن ناس

وناس تانية في منتهي قلة الأدب اللي ربنا خالقها وخمسين واحد داخلين مع الحالة وكالمعتاد مفيش زفت امن!!!

ادي الايام الزبالة القذرة اللي بتعدي علي الواحد في ام المستشفي ديه بسبب غباء ادارتها كلها علي بعضها..محدش حاسس بحاجة من اللي احنا بنعيشها كل يوم.وكل ماتتكلم يتقال معلش هنعمل ايه مفيش حل.

مفيش حل ايه ياجدعان احنا خلعنا مبارك..لكن واضح ان فيه ناس كتير محتاجة تتخلع!!

ناس قاعدة في بيوتها مش حاسة بالبلاوي اللي بتعرض ليها كل يوم كل يوم..من ناس معندهاش ريحة الاخلاق..

داخلين بقي فين الدكتورة بتاعت السموم انتي تبعتينا هناك وهما يبعتونا هنا.. واحد يقول ايه فين ميتين ام الدكتورة ومش هعتذر عن الكلمة لأن ده اللي بيتقال وده للاسف الشريحة اللي بتعامل معاها كل يوم..

روحت ادور علي اي زفت امن يجي..لقيت واحد بقي جاي متشملل يالا يااستاذ اطلع بره..

يروح الحيوان برده يرد عليه انتوا اللي عليكوا تطلعوا بره والله ماطالعين الا ما يتكشف علي البنت اللي هيا بالمناسبة زي القردة!

وواحد من انصاف المتعلمين جاي يقولي واحنا وجودنا تاعب حضرتك في ايه..طبعا ماهو استقبال ابوه مالوش كبير..

الست الهانم دكتورة السموم شرفت,,روحت طالعة فيها انتي ماتبعتيش حالات مستقرة عندي بعد ماانا شفتها.وتقولي ايه انتي بتزعقيلي مينفعش في اخلاق للكلام مع اللي اكبر مني

قلت في سري فعلا بس لما يبقي عنده اخلاقيات تعامل مع الناس اصلا

قلتها ماهو لو الناس جم سمعوكي الكلام الحلو اللي سمعته كنتي عملتي اكتر من كده

ودخلت قلتلهم انت هيتعملكم محضر اهمال..

اهمال ليه ان شاء الله..الواد كان ماشي في الشارع وشرب الازازة..قلتلهم وانتوا ان شاء الله كنتوا فين؟

جه الحيوان وانا مصممة اني اسميه الحيوان يقولي لأ الواد عنده ترجيع بس..قلتله والله؟؟

وجه ابو الواد يقولي لأ مش شارب حاجة ومش هتعملي محضر ..قلتله امال حضرتك جاي تهزر ولا تعمل ايه؟؟

اتفضل خد ابنك وامشي..

قاللي امشي؟؟؟حضرتك دارسة طب؟؟

قلتله مش بتقول ابنك كويس ولا انت جاي تهزر؟؟

هنا دكتورة السموم اتدخلت وغسلته قالتله امال عاوز دكتورة سموم ليه وقالب الدنيا احنا مش بتشتغل ببلاش حضرتك .

هنا بقي لما امه لقيت الاب اتزنق دخلت تقول انا بكلمك يادكتورة بالدين-منتقبة هي- اول بقي ماقالت كده..قلتلها انتي تسكتي خالص وماتدخليش سيرة الدين ابدا كده..ماتقوليش كلام  انتي متعرفيش عنه حاجة...هيتعمل محضر يعني هيتعمل..دخل واحد تلات ارباع متعلم يقولي محدش غلط في حضرتك في حضرتك يادكتورة..قلتله دلوقتي حضرتك؟؟؟ولما تدخلوا فاتحين صوتكم قد كده مش محترمين المكان اللي انتو داخلينه يبقي ايه ده؟؟

طبعا بدا الجر الناعم-طبعا مش محتاجة اقول ان الجيش كان موجود طول الوقت وكان في عسكري فعلا هيضرب الراجل الحيوان اللي عمال يعلي صوته ويقل ادبه-

احنا اسفين ومش اسفين

قلتله برده هيتعمل محضر -اللي ميعرفوش حضرته ان ده روتين ولازم يتعمل عشان مش يلبسونا مصيبة ويقولوا احنا اللي سمينا الولد-

المهم دكتورة السموم روحت الولد لأنه كويس!!!منا قلت كده من الأول محدش صدق اهلي..ماهو لو حالة عناية ان اللي كنت هشتغلها وخلصنا..

وجاية بقي وخداني علي جنب تعرفني غلطي

وانا طبعا علي عكس ماتوقعت قلتلها انا اسفة ياستي ماتقوليش حاجة

طبعا هي انتعشت قوي وانا ريحت دماغي...

ده يوم من الأيام اللي مبحبش اتكلم عنها..

لكن الدنيا كده..ناس تدعيلك وناس تدعي عليك

لكن من رحمة ربنا بينا انه ادري بقلوبنا وعمره مابيستجيب لدعاء باطل ابدا

لكن حسبي الله ونعم الوكيل في كل حد له يد في القرف اللي كلنا بنشوفه كل يوم..

هتسقط يعني هتسقط!

بيقولوا مش هناخد اجازة عشان امتحان الماجستير!!!

طب ازاكر امتي وانا بكشف عالعيانين في المستشفي ولا انا نايمة زي الجثة بعد النبطشيات اللي عددها 14 في الشهر ولا ايه يعني!!!!!

مع ان المفروض ان اننا نواب جامعة يعني يدونا فرصة نذاكر عشان منلطخش وش المستشفي بالعار لما نسقط كده زي الحلوين!!!!!!

الطيف اني اصلا لسه مجبتش كل المناهج

والالطف اني مش كل الناس محددة مواضيع معينة..يعني هروح النحنيبة ومش هاجي تاني!!!

ومش عارفة ليه رئيس القسم قافش علينا كده مع ان دفعتنا يعني من الناس اللي مش بتكبر وناس غلابة!!!!

ده بدل مايحتضنونا ويعتبرونا ولادهم ويعملولنا دعم عن الناس اللي بتحط الامتحان!!!

اه صحيح انا طالعة المحضن الشهر الجاي....هعهعهعهعهعهعهع..يعني انا اللي هقول مفيش مكان!!!!

وده في الوقت اللي مفروض اذاكر فيه مواد مالهاش اي علاقة بطب حديثي الولادة

وده معناه اني هبقي زي الحمارة ساعة المرور وده معناه اني هضيع اهم جزء في النيابة!!!!!!!!!!

لكن برغم ده كله انا متفائلة!!!

برغم اني عمالة اعمل جداول من امبارح عشان اعرف الم اي مادة ولا اي حاجة لكن رغم ده متفائلة

برغم اني عمالة اكلم امة لا اله الا الله عشان يكلموا رئيس القسم يدينا اجازة لكن بردة متفائلة تفاؤل البرغوت في قفا طفل عنده بوليثيثيميا!!!

ابلة وردة بتقولي ماتقلقيش يادكتورة آلاء هتخلصي وهتلمي طاقة الانسان مالهاش حدود احنا اقوي حاجة علي وجه الأرض

والله بتقولي كلام زي الفل ياابلة وردة!! ده طبعا قبل ماتفتح موضوع ان لازم اتجوز بقي عشان انا كده طولت!!

المهم..بس مذاكرة الماجستير غير علي فكرة..بتحس كده انك ايه بتذاكر علي دماغ مليانة وعارف كل معلومة ايه لازمتها مش زي صم اولي وتانية وتالتة وده من ضمن اسباب تفاؤلي برده!!

تسمم الاسبرين موضوع مهم!!

يارب يارب يارب ناخد اجازة

يارب يارب يارب يارب ناخد اجازة

يارررررررررررررررب!!!

دروس مستفادة

بما اني دايما بحط نفسي في مواقف لا أحسد عليها ودايما بعير عنها بأني اكلم حد من العيال اوالبراءة بتنط في عيني وابدأ كلامي بكلمة"عملت عملة سودة" منهم ولاء ترد عليا تقولي عملتي ايه يا منيلة!!!!!!!

هيهيهيهيهيهيهيهييهيهيه..وعلي ماسبق فانني اجروء ان اعطي بعض النصائح والعبر من هذه العمايل السودة واللي طبعا مش هجيب سيرة معظمها هنا لسبب اساسي اني مش فاكراها!!!

المهم

1-معظم المشاكل تحل من تلقاء نفسها..يعني مثلا لو حد عمل موقف ضايقك والله متعلقش اصلا اعتبر مفيش حاجة حصلت لا تاخد موقف ولا تتصل تتخانق واستني استني شوف ايه اللي هيحصل ..

2-مفيش مشكلة بتحصل بتكون نهاية العالم...معظم البلاوي اللي بتحصل لنا بتكون احسن حاجة حصلت بس احنا عشان اغبيا ومتخلفين ومعندناش يقين بالله بنترعب قوي من اي حاجة تهدد استقرارنا الداخلي او الخارجي!!!!مع ان عادي يعني اللي انت شايفة زفت قوي بيطلع في الآخر ولا حاجة.

3-التجاهل اهم سلاح في العالم!!!!!!!!!!!!!!!!!!!!مهما كنتي مؤمنة بأهمية مشاركة اللي انتي حسه بيه مع الناس او رافعة شعار انا صريحة ومعنديش حاجة اخبيها...صدقيني قليل من  الصمت له سحر غريب..

4-معظم المواقف برده قلة التعليق عليها كويس..

5-الشاي بالكراميل حلو قوي لازم تجربوه.

6-لبن نيدو لازم المية تكون سخنة مش مغليه عشان مايكتلش ويدوب كويس!!

7-لو معندكش مشاكل مع نفسك وقابلها كوبس قوي عمر ماحد في الدنيا ديه هيقدر يعكر مزاجك بكلمة واحدة..

8-في حاجات في الدنيا ماينفعش تعديها او تنساها اهمها بالنسبة لي ان حد يعتبر وجودي في حياته أمر مسلم بيه..انا لا انسي هذا ابداولا اسامحه ابدا ابدا ببساطة شدبدة لأني عارفة قيمة نفسي كويس واتوقع من اللي قدامي انه يعرفها برده..وببساطة اشد اللي مش عارف قيمة اللي في ايده يبقي يعاقب بحرمانه منها!!!!!

9-اوعي اوعي اوعي تكوني البنت اللطيفة...لطيفة يعني سهلة وممكن تقبل اي نوع من انواع المعاملة الزبالة..خليكي قوية ومفترية واللي مش عجبه الباب يفوت ...ولا بلاش خليني مؤدبة!!

10-اداكي ميعاد وقلبك وقعدت ترني ترني عليه "اي نوع من انواع المواعيد علي فكرة ان شالله شغل..سواء ولد او بنت بصفة عامة..استني ربع ساعة فقط..والمفروض ماتتصليش حاجة ولا رنة ولا اي حاجة..وطبعا مش محتاجة اقول انه مش مفروض تعاتبي اللي فوت الميعاد..لانه لم يهتم اصلا بتبرير موقفه فايه اللي يخليه يستاهل لفت النظر!!!

11-اوزني الشغل والعلاقات الشخصية..وده رايي الشخصي فقط..انه ساعات عشان حد معين بتعزيه ممكن تشيليله حاجة او تكوني لطيفة معاه او تستحمليه في ظرف طاريء ومن ناحية تانية خناقات الشغل مش مفروض تأثر علي العلاقات الشخصية..يعني لو اللي بيحط الجدول عندنا مثلا حطه وحش ده حاجة وعلاقتكم الشخصية حاجة تانية خالص ..يعني اشيلك عشان انت صاحبي..اوك..لكن مش عشان اتخانقنا يبقي خلاص هقطع علاقتي بيك..مش عارفة لقطينها ولا ايه!!

12-ماتحبيش حد..محدش يستاهل!!!!

13-لو اتنيلتي وحبيتي حد امشي ورا اللي انتي حساه حتي لو كان غلط في ناس بتتعلم بالطريقة الصعبة بس هتاخدي علي قفاكي لما تقولي يابس!!!!لكن المرة اللي بعدها هتكون كل حاجة صح ودي الحسنة الوحيدة في الموضوع "وعمري ماشفتها لحد دلوقتي بس املي في ربنا كبير"

14-مازالت مصرة الدخول في اي تجربة شيء رائع جدا..لكن لو عندك فرصة وخبرة كفاية انك تتعلمي من بعيد ليعيد يكون اسلم"طبعا انا مبطبقش القاعدة ديه لأني لازم اتلسع من الشربة والزبادي والايس كريم كمان"

15-كل حاجة بتحصل في وقتها زي ما امة لا اله الا الله بتقول..لكن استباق الوقت والحلام شيء جميل...وغير مؤذي اطلاقا!!

16-هوندا سيفيك ماركة عربيات محترمة هجيبها بعد ما ألم تمنها!!

17-ماتسترخصيش في صبغة الشعر..

18-البس ماركات..

19-اتكلم ببطء..عمرك ماهتضطر تكرركلامك..وعمر ماحد هيعلق علي ان اسلوبك وحش..وعمر ماحد هياقط قصدك ايه بالظبط وممكن تلقح بسهولة تامة!!!ولو كنت دكتور عمر ما اهل العيان هيقولوا عليك مش مهتم وهيدعولك حتي لو كان كلامك البطيء بيقولهم ان مفيش مكان في المحضن او العناية!!

20-مممممم..كفاية كده..عشان عاوزة اتكلم في التلفون ...وللحديث بقية!!

Happy ness!!

How does it feel to be extremely happy??
Is it to have the love of your life??
Is it to feel like you are helping others all the time??
is it by having friends or money or fame or whatever!!
I know the answer to this question and it is the right one...
You can't be so extremely happy unless you are close to Allah..I know I know I can hear all of you saying ok we know that..
But I wish that answer is simple as it seems..
I will take me as an example...I got really close to Allah and started to get what Islam means when I was 18 yrs old..In that Ramadan especially...And i knew what happiness means..
I felt it last year when I was memorizing Quraan ..happiness from another world..
I feel it everytime a baby grasps my finger so hard and won't let it go..
I felt it with you although it was an illusion..
I feel every-time I manage to find a place in the ICU to a critical case..
I felt it when you your eyes used to shine when you see me although it was an act..
I felt  it every time I made a movie that touches something for everyone..
I feel it when someone says that I made a difference to his life..
I feel when I eat macaroni or cheese cake or chocolate..
I feel it when I set someone straight and tell him exactly what he is to me..
I feel it when Iam myself..
HAPPINESS!!
But today Iam not...I feel sad...I don't feel sad alot..I try not to feel sad alot..And I have gigantic defense mechanisms against feeling sad..But something is wrong with them today..
Iam sad..
Iam sad because Iam not close to Allah...
Iam sad because Iam consumed and I don't get to have a break..
Iam sad because Iam so lonely..
Iam sad because I can't concentrate..and Iam dizzy..
Iam sad because noone gets me where I work..
Iam sad because the whole last week everyone keeps wishing me to get married with a sorrow tone in their voices and Iam done telling everyone it doesn't matter..
Iam sad because I can't control my time..
Iam sad because the hospital sucks and I can't do nothing to change it..not when Iam alone..not when there noone to share your failure, your success,your hopes,your ideas,even you jokes..
Iam sad because Iam losing myself sometimes..I can't get a grip of my own timer..I can't seek my perfect rhythm..
But again..It is a matter of time before everything will turn out to be the best..and if I kept holding to that thought I know I will be fine..The thing is Iam not sure anymore.. 

صباح فرح اختي

ناهيك عن بداية اليوم بصدمة دكر البط اللي قاعد ومأنتخ في بانيو حمام الضيوف...وناهيك عن زعيق ماما المتواصل باني اقوام اروح اجيب خالتي ومرات خالتي ومرات ابن خالتي من بيوتهم عشان يطبخوا معاها..وناهيك عن عمتي اللي قاعدة عمالة تقولي ماتشغلي حاجة فرايحي كده تملي الشارع...

كان يوم هادي..

وتجاهلا لحقيقة ان فستاني اصلا لسه مخلصش ومااتطرزش  وشكلي هلبسه كده..

وناهيك برضه عن كمية اجواز الحمام والفراخ واللحمة والبط -المدبوح بقي- في المطبخ..

وعن كمية المشاوير الي بقالي 3 ايام بعملها زي مااكون سواقة بيجو علي طريق مصر اسكندرية!!

وكمية المحلات اللي دخلتها..وكمية الفلوس اللي صرفتها..عا عا عا بجد!!

واعلنها ان بعد ام الفرح ده مايخلص مش هشتري خيط في ابرة لمدة سنة...مش هدخل ولا محل لمدة سنة..

اتركم الآن عشا في حاجات مهمة هنزل اشتريها !!!!!!!!!!!!

ولباقي أحداث اليوم بقية!!

صديقتي الانتيمة الأنانية

توقفتي منذ زمن عن كونك صديقتي الانتيمة..منذ ان اصبحت ردودك ميكانيكية لتقضي الكلام فقط..منذ ان اصبحت لا تستمعين..منذ ان اصبح كل رد كانما يخرج من قوالب الرسائل الموجودة في كل موبايل...حينما لا تتصلين علي الاطلاق..ولا تهتمين علي الأطلاق..ولا تفعلين شيئا سوي الشكوي من حال حياتك..أما أوقات السعادة فأنا غير مرحب بي علي الاطلاق..سعادتك ببيت الزوجية الجديدة دائما معي مسمومة يطفو عليها ندبك لعدم دخول امتحان الماجستير..سعادتك بارتباطك بمن تحبين مكسوة بطبقة من تكرار الخناقات طوال الوقت..

حتي عدم تواجدي اثناء لحظة عقد القران لم تعقبي عليها وكأنني لا اصنع فرقا..

غبية انتي حينما تعتقدين انه موقف واحد...ومخطئة اذا اعتقدتي انها ردة فعلا ونوبة غضب مثل سابقيها..بل هي اخر نواة كانت تسند هذه الصداقة المهترئة اصلا..

أنا لم أعد احترمك..أنا لم اري فيكي شيء يجعلني انتظر في حياتك..لم اعد اسعد بكونك في حياتي التي لم تعودي فيها اصلا..ادركت هذا حين لم استطيع ان انطق بما اشعر به..حين لم اخبرك بما يجري في حياتي التي اتعس من حياتك بمراحل ولكن في جائزة الاكتئاب انتي من يجب ان يفوز دائما!!!!

كلك تناقضات ويهيء لي انك ايضا لست صادقة في كل ماتقولينه ولا ادري لهذا سببا..ولكني ولأسباب قوية اثق في حدسي الذي لايخطيء بفضل الله...

حيمنا نخرج سويا فنصف الوقت في مكالمات تلفونية اخري!!!

حينا تستمعين الي كواجب طبيب نفسي يأخد اجره في الساعة الا انه غير محترف وغير مخلص في عمله..

انا فعلا انتهيت منك..واعنيه..

وفي الوقت بين النوم واليقظة..كل اللي بتخاف منه بيظهر

نوم متقطع..بدون سبب..استيقظ علي احلام متعلقة بمهنتي التي لا أفعل شيئا غيرها...

اتيقظ علي قلق شديد من امتحانات الماجستير والتي لم اوقع اللوج بوك بعد لأنني ببساطة لما احضر اي من تلك المحاضرات ببساطة لأني في العمل الصباحي..الغريب انني استيقظ علي هذا الهاجس الذي لم افكر طوال هذا الشعر مما جعلني ادرك شيئا انه في الحالة بين النوم واليقظة تعلو مخاوفنا وتسيطر علي كياننا بشدة..

قريت قبل ما انام اخبار اضراب الأطباء عن العمل في اكتر من مستشفي بسبب الاعتداءات المستمرة من الأهالي لدرجة المطاوي..وفكرت انا ممكن اكون واحدة منهم في لحظة..منا مرمية طول الليل في الاستقبال من غير امن ولا يحزنون.وفكرت محدش هيعمل اي تغيير الا لما حد فينا يضرب مطواه او يدخل العناية..وفيه  احتمال كبير جدا اني اكون انا الشخص ده!!!!!!!!!!!!

لسه مصر بلد التصرف بعد ما تحصل المصيبة ومحدش بياخد عبرة من اللي حوالينا ابدا!!

فكرت كمان انا في ايدي ايه اعمله..ولا شيء!!! غير اني استني قدري داخل اركان الاستقبال العظيم!!

بالنسبة للماجستير معنديش اي فكرة برده هعمل ايه عشان امضي اللوج بوك...وانا تحت رحمة رئيس قسم كل مادة..لكن هل هلاقي دعم من المستشفي بما أننا كنا زي العبيد مابنسبش العمل الصباحي عشان نروح نحضر المحاضرات..معتقدش!

خاطر تاني جالي برده وانا نايمة صاحية هو اني حسه اني في عزلة تامة عن المستشفي بسسب الاستقبال نبطشيات وعمل صباحي..وانا سعيدة بهذا سعادة طفل مفجوع بكوب ايس كريم...

Today I remembered that Iam no more able to love..I don't and can't imagine myself in a so called romantic relationship..and live the whole story..I can't imagine myself one day having someone to call at the end of the telling him all about me..I can't see myself dependable on someone ..Or having someone so special to me..
I spent my whole life alone..in dependable to the extent that I really function better on my own..i dont even feel the need of another person to complete me..In a nother word I can't see any  reason why there should be someone in my life to love and love me back!!!!
I have been lonely for so long that I function the best that way..And to be more honest with myself I can't find someone good enough to make any difference in my life..Period!!!

مب...سوووطة!!

ساعات كتير جدا بكون مبسوطة من غير سبب واضح..واحس ان الدنيا وردي وبمبي وكل الالوان المسهوكة!!!....وده كله من غير سبب واضح..

زي النهاردة مثلا..اي نعم كتب كتاب اختي ..وكتب كتاب صديقتي المقلابة في نفس اليوم..لكن علي فكرة..سعادتي مالهاش اي علاقة بيها!!!!ّ

معتوهة أنا ساعات..بحب العيال الصغيرة بشكل مرضي..بحب الاستقبال بليل وهو زحمة...بحب حالات العناية..بحب اقعد احكي مع النساوين..

احمد النهاردة طلع جدع وقرر يشيلني 4 ساعات عشان اروح كتبين الكتاب..وبيقولي انتي بتعملي فرق..قلتله اه..مبحبش حد يذلني.."تحسوني بجحة كده"

لكن الصراحة كتر خيره قوي يعني..

واللي هو مايعرفوش ان في ناس شالوني قبل كده ورجعوا يذلوني ..اهوه مسيره يجرب..

عبد العزيز هو اللي في المستشفي جدع لأقصي حد اصلا..وانا بغلس عليه كتير عشان بيشتغل زيادة عن اللازم وبيريح باقي الناس..ونفسي بجد اشيله اي حاجة..لانه شايلي نص قبل كده وتلاقيه نسي..محترم..وربنا محترم..

نايمة امبارح 18 ساعة ورا بعض..علي رأي ماما..ناس تقوم وتعيش وتموت وانتي نايمة...وانا اقولها اه والله يا ست انتي نفسي ابطل نوم الميتين اللي بنامه ده..

كل يوم بكتشف حاجة انيل عن اللي قبلها عنك..ايه القرف ده..خلاص خلصت قدرتي عن الاذبهلال!!

مطاردة شياطيني اليومية2...

المهم..مشكلة الهوت والكولد انا حلفت قبل كده اني مش هرجع ولا حالة..بس النهاردة الصبح انا كنت تعبانة قوي وقلت هرجع حالات..انا فعلا مش قادرةوحالات الكشف الهبلة ديه بقي خلاص مش هستحملها..

اول حالة..ست حامل بطنها قد كده.قلتلها الكشف في الأحرار.وبعدين قلتلهااقعدي اقعدي هتلفي فين كده وانتي عاملة زي البالونة!!!!!!وكشفت!!

التانية..روحي بقي الأحرار..قالتلي انا عاملة عملية العرق ومش قادرة امشي..قلت في سري يادي النيلة حتي الغلط الواحد مش عارف يعمله..

شوية والدنيا قلبت كتير كتير كتير..وطبعا مفيش امن!!!حاجة زبالة..قمت اتشمللت وروحت للمديرة قلتلها مفيش أمن والاستقبال يضرب يقلب..قالتلي هو مش النهاردة كولد...قلت في سري"احيه"..........مش انتي اللي بتقولي اكشفوا علي الحالات!!!!!بغض النظر اني ده قراري وانا اصلا مقتنعة بيه..قلتلها انا مبرجعش حد وبشتري نفسي والستات اصلا اللي جايين بعيالهم متكسحين ملة يعني...

المهم بتقولي جا يلالي شكوي منك..قلت في سري "وايه الجديد يا ولاد!!..التمريض بيشتكي انك بتعلقي محاليل لأطفال مش محتاجة..قلتلها يا دكتورة حضرتك مش ملاحظة ان الشكوي ديه ماتجيش الا يوم الكولد؟؟؟!!

قالتلي اه..قلتلها يعني يا دكتورة هما مش بيقدروا وانا بعديلهم حاجت كتير من اسلوبهم الزبالة في الكلام والتلقيح علي استقبال الحالات يوم الكولد وبعدي وهما جايين يدوا حقن من تحت لتحت!!!!!!!!!

قالتلي ماتقلقيش انا قلتلهم لو مش هتشتغلوا ايام الكولد تطلعوا تشتغلوا فوق ونفقل الاستقبال..قلتلها حلوة قوي الحركة..قالتلي اتكتموا وقالوا خلاص ..قلتلها ماشي..

مفيش امن ..قالتلي هنحاول نجيبلك حد..!!!

طبعا طلعت من عندها عالجيش عدل وجبت عسكري صغنن عسل كده قلتله انا مش عارفة اكشف في الاستقبال عشان مليان رجالة وزحمة موت..جه معايا وطردهم في 5ثواني....وماحدش بق معاه..هع هع هع هع!!!فعلا الجيش هو اللي بيتصرف الأيام ديه ...

اخر اليوم جت عائلة لطيفة..مكونة من خمس أطفال واتنين واحدة ست وواحد راجل...الست جاية بتقولي يا دكتورة العيال دول كلهم واخدين برد من بعض ومعلش احنا هنتقل علي حضرتك

سيناريوهين ممكن يحصلوا..

ممكن اهزئها واقولها انتي جاية تتدلعي انتي وجوزك وولادك..ونتخانق بقي واتعصب واعلي صوتي..

وممكن اخد الموضوع بهزار وتريقة ونكشف عالعيال..خاصة ان الدنيا كانت فاضية..ونفذت السيناريو التاني..وكل الأطراف طلعت مبسوطة خاصة ان العيال كانوا معسلين بدرجة غير طبيعية!!!

البت دينا صاحبتي قالتلي كلمة حسستني انها فعلا بتفهم حبتين حاجة اسمهاlearned helplessness

وديه معناها ان الناس من كتر ماهي مش لاقية حقوقها لما بيقابلها حد بيديهالها مابتكونش مصدقة اللي بيحصل وبتشكره بطريقة تربكه هو شخصيا!!

وفعلا ده اللي بيحصل معايا كل يوم..ومضايقني .من حق الناس الحصول علي خدمة محترمة..بغض النظر عن كونك مسحول او متبهدل او عندك مشاكل عاطفية مزمنة.....

انا اسعد ايام حياتي بقضيها في الاستقبال لانني اعشق التواصل مع الناس..وهذا غباء غريب ..لكن ربنا كبير وحول اصعب ايام النيابة الي اسعد تجربة ممكن امر بيها

ده عشان انا بس طيبة وبنت حلال والعيبة مابتطلعش من بقي ..هع هع   هع!!!!!!!!!!!!

مطاردة شياطيني اليومية1...

حسه الأيام اني معترضة دائما..وبتنخانق..

عشان الامتياز..عشان الدم..عشان الناس تيجي في مواعيدها..عشان خوافض  اللسان..وعشان حقن الفولتارين..عشان ام الجدول..وانا أصلا شخصية مش بتحكم عالناس ومش مقرفة..لكن الأيام ديه انا كده وأكتر من كده..

ماجد زعلان عشان دكتور الامتياز مرضيش يطلعلوا يجيب دم لأنه ماجد طلعه مرتين علي مفيش..اينعم اول مرة ماكنتش غلطة ماجد..لكن الدكتور مارضيش..طبعا اولا انا مالي ماجد يزعل مني ليه..

ثانيا..لو احنا مبدأناش نحترم الامتياز ونبطل نبدي التمريض عليهم يبقي احنا بنثبت نظام غبي متخلف عفا عنه الدهر...عفا عنه الدهر وخلي ممرضة تقف تقولي في وشي انا معرفش انتوا دكاترة يعني فاكرين نفسكم ايه..انا بكره الدكاترة..كنت طبعا هقولها وده شرف لينا..لكن القدر رد عليها بطريقة أكثر قوة..وبعدن مش ديه طريقتي في الرد..انا اكثر لؤما من كده بكتير..

ثالثا يا ماجد: لما ابعت دكتور يعملي اليي بي جي ويجيب ازازة ملح مزعلاك قوي..مسألتش نفسك هما ليه مش بيرفضولي طلب؟؟ولا أنت بس بتبص للموضوع من ناحية واحد وبتردد كلام التمريض وخلاص..ماعلينا!!!

بتخانق مع أحمد عشان بيجي متأخر..حساه داخل داخلة مش صح..المشكلة اني بجد نفسي يكون كويس مش عاوزة اطلع فيه القطط واعمل سنيور عليه وخلاص!!!!

عارفة اني ساعات بحب الناس تبقي زيي..وده خنق مني علي فكرة..بس في حاجات معينة فقط...أحمد مش راضي يمضي عالتذاكر ويعفيها من التأمين....بداية مش قوية!!!!

للحديث بقية..عشان لازم انزل النبطشية!!!

ماذا سأفعل لو كنت مديرا للمستشفي

مبدئيا كده هلغي الزيارة تماما الا من ساعة واحدة فقط يوميا ومحسوبة بالعدد..ويولع اللي مش عاجبه..ماهو اصل لوحد شاف صواني الغدا والعشا والسجاير والعصير والرنجة والفسيخ اللي بتتحطط وحواليها مش اقل من عشر افراد ملمومين حوالين طفل مش قادر اصلا يتنفس هتعمل كده وأكتر من كده..

 ثانيا هفتح باب التسجيل للأطباء الزوار المقيمين وهخليها بفلوس..وهستخدم الفلوس ديه في تخصيص شركة امن خاصة بمستشفي الأطفال...عشان البهدلة اللي طبعا هتحصل لما نمنع الزيارة..

نرجع تاني لمسألة الاطباء الزوار..هيسجلوا عادي الجزء الأول مع الدفعة بتاعتهم..لكن لن يسمح لهم بتسجيل الجزء التاني الا لو بينوا التزام قوي جدا في فترة النيابة الأولي ..وده معناه انه مايسبش نباطشية ويمشي..مايهددش انه يبلغ مرضي لما الجدول يبقي مزنوق..وقصاد هيعامل نفس معاملة النواب الاساسين ويحمل نفس المسؤلية..

ثالثا: هعمل المستحيل عشان اجيب عدد تمريض زيادة..ان شالله ابعت كل يوم ورقة لرئيس المستشفيات,,اصلي زنانة جدا علي فكرة..ماهو لو حد شاف ممرضتين شايلين لوحدهم ستين عيان هيعمل كده وأكتر..

رابعا:هعمل للمستشفي مجلس ادارة..اه ماهو انا مش هشيل القرف لوحدي..وهيكون فيه اجتماع كل شهر معاه ممثلين للنواب والتمريض..

خامسا:هعمل جزء اقتصادي للمستشفي..أمال هجيب فلوس منين...

سادسا:هفتح الصيدلية 24 ساعة مش اخلي الناس تنزل علي ملا وشها الساعة اتنين وتلاتة تجيب دوا..وده معناه اني برضه اجيب صيادلة كتير..الاقتصادي بقي وفلوس الزوار هي ان شاء الله اللي هتغطي ده كله

سابعا:جدول النواب..وكمان مرة جدول النواب..هيتعمل باجتماع اسبوعي معايا شخصيا..لحد مااظبطله قواعد ثابتة تمشي علي الكل..وهتبع شعار ريح النايب..ريح العيان..

ثامنا:هيبقي فيه نظام ثابت للف النواب علي كل وحدة مش بمزاج كل واحد ان شاء الله..وقبل كل روند جديد هيكون فيه امتحان ماقبل ومابعد الراوند..ولو معداش هيتأخر في اللفة عن زمايله الحلوين..ضحكة شريرة جدا!!!

تاسعا:الامتياز...ثم الامتياز...هثبت كل شفت في وحدة ....النظام البدائي الغبي بتاع 5 ايام في كل واحدة ماينفعش ببصلة..مافيش حاجة اسمها امتياز يجيب دم..الا اذا كانوا قدام ده بيتعلموا حاجة مفيدة..علم الامتياز يعني حسسه انه قد المسؤلية يعني ارميه لوحده وراقبه من بعيد..قوة بشرية هائلة ومهدرة..ولما تشوف دكتور كبير مش مستعني يرد علي طبيب امتياز-زميله- هتحس قد ايه بالغباء الطبقي اللي احنا لسه فيه.. ولما تحس قد ايه برده سعادتهم لما بيشتغلوا ويشيلوا المسؤلية هتحس قد ايه احنا هنتحاسب عليهم نفر نفر!!

عاشرا:أم المتين جنيه اللي لازم يتدفعوا عشان تدخل اي حالة عشان قال ايه تضمن ان الأم تعمل جواب التأمين....مضوا الأهل علي فاتورة..سهلة قوي يعني..مضوهم علي وصل..زي ما باقي الدول المحترمة بتعمل كده..الطريف بقي ان اي حد لو له كرسي شغال في المستشفي ممكن يتعمل له اعفا..احيه ولا مؤاخذة!!!

مش فاكرة وصلت لرقم كام: مكتب محترم للسادة النواب...يحتوي علي نت ..جهاز كمبيوتر علي الأقل..بوفيه محترم..مكتبة..انترية كبير..تلفزيون..زي اقل مكان محترم في العالم..

هعد واعد واعد

لكن انا هكون حاجة واحدة بس انا متأكدة منها..اني عمري ماهقول اني فيه حاجة مالهاش حل..ابدا..ابدا..ابدا..

رسالة الي حبيبي القادم

اتصلت بيك انهاردة....رديت من أول رنة زي ماانت معودني

انا بس قلت الو..رديت عليا قلتلي مالك..قلتلك مالي..انا لسه قلت حاجة..قالي مش محتاجة..صوتك باين قوي..

ضحكت وقلت انا مقلتش الا الو!!!!!!!!!!!!!!!يا شيخ

لا بجد مالك..

قلتله تصدق بالله  انا كان فيا..ضيق الدنيا والاخرة لكن اول مارديت عليا اتبسطت!!!!!!!!!

وكل شيء اختفي

قالي..يارب دايما..

يارب دايما.

Done with the bullshit!

I-really-I'm done with the bullshit..Iam done trying to read what you mean..Or imagining that you are trying to tell me something but yet I'm so intimidating for you to say it.Bite me..

Iam never gonna search for pathetic excuses for you for not being there or forgetting all about me..
Iam done trying to be a good girl and take the "first step"...

Iam done with all that and I feel pretty..I feel sane and I feel complete..Iam waiting no one..caring about no one and having the time of my life with no one to control my happiness or my misery..


Iam no longer waiting for someone to open a chat box..Iam no longer opening a chat box just to spare you the effort to do it...silly me!!


Iam done waiting for a call or waiting for a call back to answer my previous ones..
Iam done waiting for you to show up as you promised..and Iam done letting it go..and saying no problem..


Iam done doneing!! and Iam sorry I had to learn it the hard way..

flash forward

My plan landed.. My first flight ever..Iam crumbled with my huge handbag that i kept with me..I keep everything in it..Iam alone..and I'm attending a conference in Manhattan..

I wear a blue skirt and a white top..red scarf and a large sunglasses..I carry a red purse..and I wear a small lovely silver necklace.

Weeks earlier I just finished applying the new residency system..and the new residents and interns are now incorporated in it..It finally replaced the old rotten system that was governed by the interests of certain seniors residents..who only cared about what is best for them..

But this is no longer their anymore..Everyone at the beginning of his residency receives s schedule of the units he should pass through..so..from the start you will know where you will be after even 12 months..

عمري ماهفهمه

البنت تعبانة قوي..عمالة ترجع..بتجيب كل اللي في بطنها..انا مش فاهمة مالها...

الساعة اربعة الفجر..مفيش دكاترة فاتحين..هروح المستشفي..يقوم جوزها يلف يدور علي عربية..الراجل يسحله وياخد منه عشرين جنيه ..امال مش توصيلة مخصوص وفي عز الليل والبرد..

يوصل الاستقبال..مايلاقيش دكتور..نايم فوق..

يستني يصحوه..ينزل ليهم متعصب..ويزعق ويقول الكشف مش هنا يامدام الكشف النهاردة في الأحرار..

الست تبص لجوزها كده مستغربة...وتقول للدكتور طب بص عالبت والنبي دي تعبانة قوي..

يرد

ياماما احنا مانستقبلش الا حالات العناية....روحي بالبت الأحرار..مفيش استقبال هنا النهاردة..

طب حضرتك مش دكتور..بص عليها بس..

يرد تاني ويقولها البت كويسة..روحي بيها الأحرار..

هتحصل حاجتين

ياجوزها يتخانق ويشتم ويزعق..

يايمشوا وهما في حالة صدمة ورعب علي بنتهم اللي لسه هيلفوا بيها السبع لفات ويروحوا الأحرار..ده لو كانت العربية اللي جايباهم مامشيتش اصلا!!!

مش قادرة اهضم فكرة اني امطوح ناس من صيدناوي للأحرار لمجرد ان حالتهم تستحمل

تعالوا نتخيل كده..

الساعة ..اي زفت وقت في اليوم...

بنتي..او بنتك..

سخنة..بترجع..بتكح..بتعيط"ودي اكتر شكوي بنكشف عليها من غير نفس"

تخيل احساسك ببنتك..هتجري بيها..

جاي ماشي..معاك عربية..جاي علي رجلك..جاي علي موتوسيكل...

رايح المستشفي بتدور علي حد يسعفك او يريحك او يفهمك الواد ماله

تدخل تلاقي ممرضة تقولك مافيش دكاترة..

او تلاقي دكتور يقولك مافيش كشف ..الكشف النهاردة في الأحرار..

مش حقول انطباعك ايه..لكن هسيبك تتخيل احساسك

رجعت تاني..بتدور علي مواصلة تروح بيها..ركبت الموتوسيكل والمدام وراك..سواء بقي الجو برد حر تراب هوا مش مهم..اديك شربت مشوار تاني يامحترم..

مش جريمة انك تقلق علي ابنك

مش غلط انك تستغرب رفض تقديم الخدمة

انا من اكتر  الناس اللي كنت بشجع الكولد والهوت وتحويل الحالات..

لكن لما يلمسك رعب اب علي ابنه

او لما تشوف ام مدمعة علي الرغم من ابنها كويس جدا

هتعرف قد ايه ان دورك انك تطمنها وبس مهما كانت الشكوي هبلة او مستفزة..

هي مش دكتورة عشان تقدر خطورة الحالة من عدمها..

لما في لحظة تحط نفسك مكانها او تشوف ايديها وهي ببترعش وهي بتحط الولد بين ايديك مسلماه ليك امانة

بتبلع كلامك بلع عشان تلاقي كلمة تطمنها....

ولما تتحول ايامك في الاستقبال من ضغط عصبي وخناق وقلة نووم وقرف

لضحك وتواصل مع الناس وكل ام تمشي من عندك تدعيلك هتحس انك اجمل شخص في الدنيا..

لما البيبي يكون بيعيط علي ايد امه وانت تشيله منها وتفاجا انك سكت علي كتفك هتحب شغلك قوي..

لما تشوف عشرة داخلين مع العيل وبدل ماتزعق فيهم وتطردهم تطمنهم بكلمة واحدة وتطلب منهم انهم يطلعوا برده بهدوء  بيطلعوا في ثانية

بس..بس..بين لهم انك حاسس بيهم..وبعدين اعمل اللي انت عاوزه

الناس بتحس..وبتعرف مين اللي بيكشف بنفس ومين اللي بيحب شغله.

هتزعق..وهتشتم  بس مش هتوجع حد...

اقسم بالله اني صوتي بيجيب اخر الاستقبال من غير ماحد بيرد عليا او يقل ادبه

معرفش ليه

انا بقي دلوقتي مش قادرة ابلع فكرة اني اروح حالة بتقولي اكشفي عالواد..

كنت الأول عادي..دلوقتي مش قادرة

اطلاقا..

المهم

المطلوب يعني

حد بس يفهمني انا مش عارفة ارجع الحالات الأحرار ليه؟؟

اه ملحوظة

انا بقيت بحب نبطشيات الاستقبال قوي

وبكرة نبطشيات القسم قوي قوي

you.....

I feel the sorrow in my heart every time I walk alone..I don't miss you..I miss the person i thought you are..I miss the sweet moments we have but i feel that lump down my throat as I realize it was an organized act from you..I miss you when I do something that reminds me so much of you..and it makes me remember the pain that I have been keeping in for a long long time..And it's not okay..it isn't...Especially now..When you are about to come back.

I can't stop thinking how come you turned out to be that manipulative sick person when you seemed so fine..How come you are so affectionate and descent and yet so cruel and dishonest..how can you be both?

How come we were such a great match and yet you didn't bother to see or get me?

God..You were so selfish..I can't believe that you so screwed that you don't deserve me..

You could have gained me with a click..But you are actually not good enough..not even close..

You are the only one I felt for ..And you are the only one who treated me like a doormat.. And I'm the one who always been treated like a queen.

you are distorted now..and there is no coming back..ever..again..

الجدول الزبالة

كترت قوي مشاكل الجدول.قوي..اللي بتحطه اصلا مبتعرفش تحطه..طبيعي ان واحد يتظلم..ممكن يتعوض الشهر الجاي..نص زيادة..نبطشييتن ورا بعض..ساعات بتحصل...لكن.......اان الكل يكون جدولة زي الزفت..ان الكل يكونوا واخدين بالتلات نبطشيات ورا بعض...ايه ده يعني!يعني اللي بيحط الجدول بيحطه وهو لامؤاخذة يا نايم ياشراب حاجة يا عنده رغبة غير طبيعية في استفزاز الناس...

ولما تتكلم معاها تقولك الواقع من الاخر يعني اني مش هغير الجدول تاني!!!!!!!!!!!!!!!

لا اله الا الله..ده هي حتي مش مريحة نفسها...

وواقعيا انا أصلا من الناس اللي مرتاحة في الجدول عن غيري..بس بتكلم برده..

يعني مثلا انا كنت نبطشية امبارح..والعمل الصباحي في الاستقبال كان طين مطين..والمفروض اني هنزل تاني الساعة 9 بليل لحد بكرة الساعة اتنين الضهر..هع هع هع هع..يالعبك ...

ادعوا من الله بجد ان اليوم يكون هادي..مش عشان مكسلة بالعكس انا بموت في شغل الاستقبال اصلا...لكن انا  فعلا مش قادرة اقف علي رجلي..ربنا عالم يعني..

المهم دعواتكم بقي..