روحت العناية..وانا عارفة انها من أسوأ الأماكن في المستشفي..بس أنا زهقت جدا من المحضن...أحيانا بيكون التغيير مطلوب لمجرد التغيير...
الشهر ده النبطشيات قلت جدا...والحاجة الوحيدة اللي بفكر فيها دلوقتي...اننا بقي هنتحاسب حساب عسير عن اي تقصير!!
مالكش حجة يابيه ومفيش ضغط شغل في عمل صباحي أو مسائي...المشكلة ان الواحد اتعود فعلا عالتقصير..
اتعود انه يروح متأخر..ويكرر عمياني والقرف ده كله..
لكن ..لكن..هل ممكن ان الواحد يتغير ويدي كل عيان حقه بقي..
ولا هنريح وخلاص وكل واحد هيشوف نفسه في الوقت الفاضي ده وخلاص لحد مالزنقة الجاية تيجي ونرجع نقصر تاني..
محدش بقي عارف يشتغل بضمير..اوووووووف.
لكن الجملة الخالدة تظهر لتقول بفم متليء..لو عايز تتغير ابدأ بنفسك..
ياحلاوة!!!
1 comments:
انا سعيد جدا انك رجعت لكتاباتك الجميله اللي مافيهاش تكلف اللي بتعبر عن ألم كل طبيب وحياة كل انسان من الأطباء لكن الواقع بيفرض علينا ان نتحول الي احجار نري دموع الناس وكأن شيئا لم يكن شكرا لك لأنك عدت للكتابة من جديدلان هذا هو المكان الذي يمكن أن نلقاك فيه من خلال كتاباتك الرائعه مع تحياتي شاعر الاستقبالولوممكن أعرف سبب حذفي من الاصدقاء ياريت لاني خايف أكون علقت تعليق ضايقك أو ضايق أحد وأشكرك جدا
Post a Comment