هو بيحصل ايه بالظبط؟؟؟
صفوت وعزمي والأوساخ دايرين علي حل شعرهم في البلد..ومحدش جايب سيرتهم زي مايكون فعلا معاهم ملفات لنص اللي ماسكين البلد دلوقتي...واشمعني يعني ام القرارات اللي بتطلع بسرعة هي اللي بتكتف الشعب تاني...هطق من قانون تجريم الاعتصامات..احيه يعني!!!كل ده عشان امناء الشرطة اللي خدوا 1200 جنيه حافز نفسي؟؟؟!!
"بيدلك لهم الايجو بروح امهم"
والناس اللي مابتلاقيش الجنيه تجيب بيه طعمية مقلية بزيت عربيات..والناس اللي بتيجي الاستقبال وبرده نبعتها نشتري محلول الجفاف من الصيدليات الجشعةاللي بتغلي الدوا جنب المستشفي
عشان مافيش فلوس نشتريه للاستقبال..واحنا اللي نتفرج علي ست عجوزة لسه بقولها هتجيبي المحلول ده من بره ياماما تقوم منفجرة في العياط وتطلعلي ربع جنيه وتقولي انا شاحتة فلوس المواصلات..اه يا قلبي...
احنا في مشكلة علي فكرة..لسه فيه غباء اداري مريب عميق ماسك البلد..ماهي الأعمال مش بالنيات هنا بقي
دا انت بتقوم شعب وبتهديه بقرار..وكل الناس بتنسي تسمع..اسمعوا الشعب كله..مش تسمعوا شوية وتيجوا عند شوية وتقولوا مطالب زفتية فئوية..وربنا لو واحد من الماسكين في الوزراة دول ابنه لهيطلع بيه بره البلد..
انا مبتكلمش عن تحسين حال الأطباء-مع انه مطلوب طبعا-
انا بتكلم عن الناس اللي مش لاقية علاج ولا اكل ولا عيشة
الناس اللي اصلا متعرفش يعني ايه اعتصام..الناس اللي المفروض الناس اللي بتعتصم بتدور ليهم علي حقهم ديه نقطة
النقطة التانية...ايه الانفصال الشبكي ده اللي بينا وبين الوزارة؟؟؟ تمخضوا تمخضوا فولدوا قانون اغبي من غباء فرعون؟؟؟
انا هطق
اصل القصة مش قصة كبت او قمع علي فكرة ده غباء اداري طحن..اعتقد والله اعلم انهم فهموا نعم بمعني "عيني ياسي السيد"
انا هاطق!!!!!!!!!!!!!!!!!!!!!!
بيفكوا الاعتصامات ببجاحة بقي..
لازم نرجع صيع تاني..لازم نقل ادبنا ادبنا تاني..
لازم
وبس خلاص جتكوا القرف ياللي في بالي.
0 comments:
Post a Comment