نازلة من بيتنا الساعة 8!!..كنت هناك تمانية وربع..قابلت ميم وقعدت ارغي معاها كتيييييييييييييييير قوي..كانت وحشاني بعد ماجت من محضن الحوادث..
طلعت احاول اكرر..طبعا طبعا مش فاهمة حاجة خاصة في المحاليل..ربنا فرجها ودكتورة وسام جت والله هي اللي كررت ومرت وانا كنت واقفة مبعملش اي حاجة!!!!
الكارثة الكبري اللي اكتشفتها انه ممنوع ادخال مشروبات داخل المحضن
....................................................................................................................................
والنسكافيه!!..عااااااااااااااااااااااااااااه.........
شكلي مش هعمر كده...
لكن شيء جميل انك تكون الجديد..لسه مفيش انطباعات ولا فيه احكام ولا أي حاجة..ده غير طبعا انك مش مسئول!!!!
بعد ماخلصنا كانت شركة ميلوبا عاملة غدا في سي فود..علي فكرة مكان وحش قوي محدش يروحه واكله تعبان!!!
وحرومليان دخان مافيهوش تكييف!!!
بعديها روحت انا ومييم..دخلنا بقي سوق المنتجات السورية الفاتح الجديد..طيب ميم مخطوبة أنا بقي مال اهلي ادخل ليه طيب..غباوة!!!!!
المهم مفارش بقي وحاجات مطبخ..وحاجات ومحتاجات!!
تنحت انا وهي قدام كورنر بيبيع مستحضرات تجميل..
البنت بقي اصطادتنا..ومحستش بيها الا وهي قافشة في ايدي واشتغلت بالمبرد لحد ماكنت هصوت منها..وراحت قالتلي شوفي الفرق بقي..ابص ياولاه علي الضافر بتاعي لقيته بيلمع زي الماس..قلت بينك بتفهمي يابنت المجنونة انتي!!!
دخلت لينا بقي علي حمامت الكريم..كان فيه حمام كريم بالشيكولاته اه وربنا!!!
وبرده فوجئت بيها بتجيب كيس بلاستيك وبتدينا عينات نجربها..قلت في سري بلا وكسة ده الواحد بيغسل شعره بالشامبو بيحس انه عمل انجاز!!!!!!!
االمهم طبعا اشتريت المبرد....
راحت برده ماسكة ايدي وجابت بتاع لونه زي الترجيع بالظبط وهاتيا فرك في ايدي لحد ما بقت زي الطماطم قلت في سري يابنت المفترية..بس برده ايديا طلعت ناعمة قوي..
ومن هنا...قررت واصريت واستقريت علي اني هتغير..وههتم بنفسي شوية..ويمكن يجي بفايده!!!!!!!!!!!!!!!!!
0 comments:
Post a Comment