أحداث يومية عديمة الأهمية

صحيت الساعة 11 الصبح..نايمة متأخر اصلي..دورت علي حاجة آكلها لقيت طعمية وجبنة قريش..أنا بكره الطعمية..

عملت بيض مقلي عيون وغرقته كاتشاب...وكلت..

قمت أعمل نسكافيه مالقتش لبن نيدو..ان ان ان!!!! مكسلة انزل اجيب...او حتي اتصل واستني...فتحت التلاجة لقيت لبن من بتاع الجاموسة.يععععععععععععععععععععععع..بس قفلت معايا بقي..

المهم...غليت اللبن وصفيت القشدة المهولة اللي كانت فيه وعملت النسكافية ...مممممم...والله لطيف جدا..

جيت اذاكر باثولوجي لقيت شروق هانم بتذاكر في الكتاب...اوببا...

اضطريت اذاكر فسيولوجي..كلمت ايمان خدت منهاالحاجات المتحددة وقعدت اذاكر...

بذاكر وانا فاتحة النت عادي وببقي مركزة كمان علي فكرة..

انا جعانة تاني...عملت سندويتش جبنة كبير قوي...وكلته..عملت شاي...كملت مذاكرة..

ماما جت كانت عند الدكتور..كانت تعبانة شوية..بس الحمد لله بسيطة..

لقيتها جايبة معاها فطير مشلتت وعسل وحاجات كتير كده..وقالتلي انا مش هطبخ كلوا الفطير..

قلتلها ايه..مجتيش بدري ليه-بجاحة- انا كلت جبنه وطبعا مش هقددر آكل تاني..

حطيت لها الفطير والعسل وهي بس فتحت الفطيرة وانا كنت سابقاها عالأكل..تقريبا كلت ربعها لوحدي...نياهاهاهاهاهاهاهاه...

كملت مذاكرة

الراجل بتاع الفلتر جه صلحه..مااحنا كل يوم عندنا  حاجة لازم تتصلح..

انا جعانة تاني...قمت كلت فطير تاني!!!

حاولت اذاكر تاني..مش قادرة...

نمت...صحيت..البطانية بتاعتي بتنور في الضلمة .اه وربنا بتعمل استاتيكا و بتنور في الضلمة!!!!

نفسي في شيبسي قوي..قوي قوي..

جبت اتنين حجم عائلي واحد بالجبنة وواحد بالشطة والليمون وقاعدة آكل فيهم في هذه اللحظة بالذات..

وهقوم دلوقتي اعمل نسكافية تاني..

الخلاصة..ان شاء علي آخر الشهر هتحول الي فيل صغنون وهخوف الناس في الاستقبال بجد!!!!!!!!!!!!!!!!!!!!!!