عشان كده مابكتبش مذاكراتي!!!

صحيت الساعة 10...صليت الفجر اللي فاتني..عملت بيض وجبنه قريش..وكلت وانا بتفرج عالتلفزيون..عملت نسكافيه..

كلمت حد يشيلي نبطشية النهاردة..باعجوبة...

ذاكرت الباثولوجي..لعنة الله عليه..

الافكار مشعشعة في دماغي ومافيش نت أدخل اكتبها عالبلوج..

جبت الموبايل وسجلتها بالصوت عشان ماانساها..

دلوقتي سمعتها تاني لقيتها غبية جدا انها تتكتب..

اتفرجت عالتلفزيون..فيلم غبي بس شفته للاخر..

ماما جت..اتغديت...قعدت اذاكر..باثولوجي برده..

عملت شاي بالخوخ..عصرت خوخة عليه وطلع طعمه مقرف,,بس شربته برده..

بتاع النت جه صلحه..

انا جعانة تاني..

طلبت بيتزا..

كلتها..ودلوقتي هقوم أعمل نسكافيه...تاني..

عرفتوا ليه بقي انا رافضة فكرة ان اي انسان يكتب مذكراته!ّ!!!!!!