دور جواك تلقاها

 دور جواك تلقاها

أد ايه كنت بكره الاغنية ديه..كنت بكرها لأني كنت مصدومة اني مش قادرة احسها..كنت بحسها بتتحايل عليا عشان احب البلد ديه..

طبعا الوضع مختلف تماما دلوقتي..ديه بقت بتوقف شعر راسي..

أنا أفخر بأني انتمي لأفضل شعب في العالم...وموضعنا في الخريطة ده مش منظر عالفاضي علي فكرة..

بجد انا بحس كده..ان احنا مختلفين قوي..مفيش حد زينا..

في النكت..في الحزن..لما نحب نعمل حاجة..لما الناس بتبصلنا..

ده حتي اي بنت اجنبية لما بتشوف مصري بتتهبل..في الوقت نفسه اللي البنت المصرية بتدي نفس الشخص علي دماغه..حاجة عجيبة فعلا..

مالناش كبير..بس بنسمع الكلام..

متمسكين باللي نعرفه وخلاص..لكن هنتغير..

خليط رهيب بين دم الفراعنة و طيبة الفلاح الأسمر وقوة الفتح الاسلامي ولمسة المسيح...

يعملوا شعب مالوش مثيل..

طبيعي جدا ان الجيش مايرفعش رصاصة علي متظاهر لأنهم خير اجناد الأرض..

انا من بلد هي سيدة هذا العالم..

كفاية اني لما بكتب كلمة revolution علي  flickrبتطلع مصر!!!

ومش عارفة ليه مش قلقانة من اللي بيحصل..

والله معنديش اي مبرر..يمكن لأني مؤمنة ان هذا الشعب لديه من المفاجأت ما يهز بها ارضه نفسها..

واعتقد اننا سنضيف لنهضة ستحل قريبا..

أنا أحترم هذا الشعب عالرغم مافيه من عبر..لكنها عبر الطفل المتقد ذكاءا ويجرب كل شيء...

هو شعب عبقري..قام بثورة قادها..

هو ليس في انحلالية الغرب ولا انغلاق البعض داخل القطر العربي..

انا لا اقلق مما يحدث الان لأن لا احد من أفراد هذا الشعب لديه فكرة عما يحدث اصلا..

كتب التاريخ ليس لديها فكرة عما يحدث اصلا..العالم نفسه ليس لديه فكرة عما يحدث اصلا..

ليس هناك قواعد كي نتبعها او نكسرها...لذا فنحن نسير بفطرة شعب مقدرة بيد الخالق اللي ارادت مشيئته ان تستخدم شعبا بأكمله لتحقيق معجزة تثبت ان المعجزة عندما تحدث سيقف الكل صامتا مثل ابو الهول الذي يبدو ضئيلا جدا امام مايحدث الآن.

نحن نسير ...لاندري اي نذهب..نتخبط كثيرا جدا.."بنبهدل الدنيا وبنعك تمام يعني"

ولاحد فينا مستحمل حد وكله بيخبط في بعضه"بنلعب في الزراير كلها كما قال ذلك العبقري مخترع هذه الفكاهة"..ولذا أنا لا اقلق..

من يعرف قاعدة فليضعها او ليصمت للأبد..

نحن شعب قد وقف احدا يوما ما في نفس اللحظة علي نفس الفكرة وتحرك..

نحن لسنا خبراء سياسيين او عسكريين..بل نتحرك بحب وطن كنا قد نسيناه..نعم للمشاعر اليد الكبري في كل مانفعله..

لكن هناك يد أكبر ..هناك ارادة لا يوقفها شيء..هي عين الله التي تحرس مايحدث..لأنها ببساطة خطوة نحو شيء ما ستقوده مصر..

مصر اللي لو طلعت الشعر الازرق موضة هتمشي وراها بلاد العرب..

انا لا اكتب تعليقا واحدا لما يحدث...لأن كل الأمور ستؤول لشيء الله وحده يعلمه ويريده..

فان كنا نتفق علي شيء فهو ان كل شيء الآن ممكن الحدوث..

 أنا لم القي بالا لموال الفتنة المبتكر البالي الذي أكاد اجزم ان من فعلوه لايعرفون الفرق اصلا بين الاسلام والمسيحية!!!

أنا فقط اعرف شيئا واحدا هو انني عندما اترك هذا البلد الي بلد أخري -مؤقتا طبعا- "همشي واقول ياأرض اتهدي ماعليكي قدي..أنا مصرية.."

وعلي رأي صاحبتي لما تحب تتريأ علي الاطتي

"انتو مش عارفين الخيشة ديه انا جايباها منين؟؟؟؟"!!!!!!!!!!!!!!!!!